FG Beg Google: Nor Allow IPOB Use Your Platform Again

 

 

On Thursday the Minister of Information and Culture, Lai Mohammed, dey beg Google make dem nor dey allow IPOB members dey use the platform again.

Wey hin dey tok for Abuja yesterday wey some of Google pipo come visit am for Abuja nai Mohammed say IPOB terrorist group dey use the platform take dey curse problem.

He tok say “We want make Google look how e go take check private and YouTube channel wey dem nor list cus terrorist and other organizations dey use am do live stream. Channels and emails wey get name of group wey dem don tag bad, make dem nor allow am for Google.

Mohammed say na cus Nigerian nai high pass for pipo wey dey use social media for the world.

He come still say even some kind pesin or group dey use the platform for dem own yeye resin.

The minister say govimet just bring one kind code of practice for computer service tok for internet, so that e go protect Nigerian wey dey use internet.

Google Regional Director for Sub-Saharan Africa, Govimet Affairs and Public Policy, Charles Murito, say Google don bring one kind program wey dem call “Trusted Flaggers” for pipo wey dem train to track and comot any tin wey go be serious headache.

While Adewolu Adene, the Govimet Affairs and Public Policy Manager for Google, say dem go work with Ministry of Information and Culture to make sure say the art work wey Obodo Oyibo pipo karey go dem kontri and don bring am come back, Google go put am for market with Google Arts and Culture so that plenty pipo go see am.

Share On:

Add a Comment

Your email address will not be published. Required fields are marked *