FG give 8000 Nigerian Student Scholarship for Obodo Oyibo

Out of the 26,000 pipo wey apply for scholarship to take go skool for obodo oyibo na 8,800 nai Fediral Govimet take.

Na for Monday nai the Oga Manager, of  obodo oyibo scholarship program wey be Petroleum Technology Development Fund (PTDF), Bello Mustapha, tok so as the pipo wey dem select dey do interview for Abuja.

Na since 2000 nai PTDF start to dey sponsor pipo go abroad go do master and Ph.Ds for scholarship level.

Mustapha say the Abuja interview na three weeks, Bauchi go be one week as dem nor get plenty pipo, while  Kaduna, Lagos, Port Harcourt go be two two weeks.

Hin say pipo wey dem select na for UK, Germany, Malaysia, France and China dem take dey go skool. But dem nor go send anybodi to China this year cus of the pandemic wahala.

PTDF say many pipo wey dem don train go obodo oyibo skool don still come back to add dem brain for Nigeria economy, some dey for NNPC and Shell.

Share On:

Add a Comment

Your email address will not be published. Required fields are marked *