FGC For Abuja Don Close As Bandits Threaten To Attack

 

 

The skool children for Fediral Govimet College (FGC) Kwali, Abuja, na house dem dey see so afta bandits go attack one community wey dey close to dem skool.

Mama and papa wey get children for the skool rush go there on Monday morning to karey dem piken go house, as dem plenty for the skool wey dey for Sheda village, along Abuja-Lokoja express road.

News pipo wey reach the skool this morning on Monday, say many papa and mama dey karey dem piken go house.

One Mrs. Babep Peace, tell DailyTrust say na from Lagos nai she take come karey her two children afta the management call her make dem come pick dem piken.

She say na around 4 on Sunday evening nai she take enta night bus from Lagos dey rush come Abuja afta her daughters call her with dem guardian phone say bandits say dem go come their skool.

She come say e pain her say her children nor go write dem exam, but e better say dem go house alive and well.

While anoda Mr. Obaniyi Oluwatokpe, say hin dey for Kabba, Kogi state, on Sunday night wey the skool take call am.

He say na with fear e take drive go the skool as he hear say bandits don nack chest say dem go come the skool.

While anoda SS II student, Rebbeca Samuel, say na Saturday night wey dem dey slip for dem hostel nai dem take hear gunshots, nai make the skool say make all of dem go house.

One man wey be official for the college, wey be still member of Parents Teachers Association (PTA), tell News pipo say na cus bandits come attack Sheda village make dem call the students dem papa and mama.

“You know say na fence nai divide awa skool from Sheda village, and the way bandits take shoot that Saturday night come put serious fear for students and management bodi.”

Tokpesin for Police Abuja command, DSP Adeh Josephine, neva tok for the mata.

 

 

Share On:

Add a Comment

Your email address will not be published. Required fields are marked *