E pass five pipo wey die for water afta dem dey run as tank dey blow for Matrix company tank farm for Ifiekporo community, inside Warri South Local, Delta State.
Eight pipo still dey for hospital for the serious wound wey dem get.
Na on Friday night nai fire start for the tank farm wey many pipo for the community come dey fear cus other companies tank farm still dey there.
One pesin for the community wey tok to Vanguard say dem don karey some deadi bodi, he say cus of fear some pipo for jump enta the river to safe dem before water kill dem. Say some deadi bodi dem don bring am come outside but dem nor know the pipo name yet.
One staff of Matrix wey say make dem nor call hin name, say dem really bring out some deadi bodi.
“Pipo jump enta the water. The deadi bodi dey float ontop of the water and dem don karey dem go mortuary. The name of the pipo wey die nor bodi don know yet.”
Wey Nigeria Union of Petroleum and Natural Gas Workers, NUPENG, dey put mouth for the case plus the President and General Secretary, Prince William Akporeha and Afolabi Olawale, Dem say:
“The tin wey happen for Matrix Energy Tank Farm dey pain us enta bone, cus na many pipo nai die and property destroy for that Friday night inside lfiekporo for Warri.