As heavy rain continue to dey cause flood for some communities for across Naija, the riverine Communities of Ofrukama, Omosumor, Okparabe, Egbaigolor, Otor Ewu and other surrounding communities for Ughelli South Local Government Area Of Delta State don call on the Federal and State Government to come help dem because flood don destroy their livelihood and dis one don make life hard for dem.
Some of the leaders for the communities, including Ofrukama President General, Daniel Obukoadeta wen yarn wit kpoko FM News person for Okparabe come dey complain say d government don fashi dem for many years.
He come talk say dis one don become steady challenge to them as them dey paddle their canoes around the streets of their towns dey find where dem go sleep for night.
Hon. Aminogho from Okparabe community wen still yarn concerning the level of damage and hardship wen the flooding don cause these communities, come talk say most women and children don relocate comot from their communities becos of d back to back rain.
He come say make d different representatives from the areas come help their women and children sharperly wit food and drugs.