Kasala burst for church service on Sunday morning as electric wire fall shock 6 pipo die.
As e be naw, the pipo wey die dem never know dem well as the tori drop.
But person wey see wetin happen around 7:34 for morning, say na El-Adonai Evegenlical Ministry, 18 Jibiwu Road, for Agbe Road, the U-turn Bus Stop, we dey for Abule Egba inside Lagos. Say na one high tension wey near C&S church flag dem pole, nai shock the 6 men die.
Agege Fire Service don reach there to epp the matta
Oga for Lagos State fire Service, wey be Mrs Adeseye Margaret, talk say na true wetin happen but nor know how many die as some of dem be like say dem never die.
“The matta don reach Ikeja Light Company, and dem don off light for that side, while dem dey try put tins well as some boys wan make the area hot”. Na so Adeseye talk.