Fear and run sactter ground for Ekpan Uvwie LGA yesterday, as cult pipo start to get dem gbege for the area.
The young men just put fire for different side for Ekpan untill security come reach to epp mata.
One youth leader for the area nai tori get to hear say, arrest one boy wey be loyal to anoda cult, nai come bring the shooting untill police come enter the town to calm tins down.
While the presido for Ekpan youth, Mr Victory Nanakparo, say na cus dem arrest some young boys nai make the gbebe happen. He say abeg make govor come do sometin for the town wey go make peace always dey the area.
Even pipo wey dey stay for Ekpan still dey fear say the fight neva finish.