Give us N20m or we go kpuff more victims- Bandits

Fear don hold people wen dey long side for the Angwan Bulus community for the Chikun Local Government Area of Kaduna State because bandits don threaten say dem go delete some of the people wem dem kidnap of recent because their relatives no gree pay the ransom wen dem demand for.

The fear come increase because the bandits don kpuff three out of the 26 victims wen dem kidnap on Monday night.

The bandits threatened to kill more of the hostages if their relatives no pay d N20m ransom wen dem dey ask for.

The Chief of Angwan Bulus community, Gideon Goni wen confirm the matter give news people on Tuesday come talk say the bandits tell the community to go pick up the dead bodies of those wen dem don kill.

According to the Chief, the bandits kill the victims for around the Dutse community, along the Kaduna-Abuja expressway.

He come talk say, “Them don threaten to kill more, especially women, if the people no meet their demands. Out of the 26 persons wen dem kidnap, dem release one while dem don delete three.

“The one wen dem release na based on health grounds. He get liver disease.”

The chief come talk say na on March 31, 2022 nia d bandits take burst enter the community, denkwes two people wen dey long side for the community and then kidnap 26 persons.

“Goni come say dem dey beg them make dem no kill anybody again and say dem dey still dey beg the state and Federal Government plus including religious leaders to come help them so that all dis kili kili go stop kpata kpata”

Meanwhile, the state police command otota Mohammed Jalige, confirm the matter.

Share On:

Add a Comment

Your email address will not be published. Required fields are marked *