The foma govors from Plateau and Taraba states, Senator Joshua Dariye, and Jolly Nyame, dem don free dem from prison for Abuja.
Na for April 14, 2022, like three months ago nai Presido Buhari with the Council of State stamp am say make dem free the two foma govinors.
One pesin from the prison tell DailyTrust say na around 2:15 on Monday afternoon nai dem take free dem.
Join with dem na three prisoners from Suleja Custodial Centre inside Niger State nai dem free too.
The insider say na cus dem nor well and dem age don go far plus say dem behave well for the prison nai make dem free dem.
Wey Daily Trust dey try to get the tokpesin for the Nigerian Correctional Service, Abubakar Umar, make hin tok dem nor fit, but one official say na cus Umar dey for meeting.
Nyame go prison cus of N1.64billion wey hin tiff as govinor for Taraba state and suppose do 12 years for jail, while Dariye suppose dey 10 years for prison for the N1.126 billion wey hin tiff as govinor for Plateau.
Wey pipo hear say the council wan free dem two, bodi not just sweet at all.