One group inside PDP for Delta State wey be Delta Unity Group (DUG) don stamp Senator Ovie Omo-Agege, the APC govinorship candidate for March 11th election for the state.
DUG get top politician for the group and na dem bin support foma PDP govinorship pesin foma commissioner for finance, Olorogun David Edevbie.
Dem form the group to make sure say Olorogun Edevbie be govinor and pipo wey dey the group na foma speakers of Delta State House of Assembly, foma Seke of State Govimet and foma commissioners wey dey loyal to foma govinor for the state Chief James Onanefe Ibori.
Afta dem meeting on Monday for Agbor, nai the group say na Omo-Agege nai dem want.
Na the Chairman, Board of Trustees of Delta Unity Group, Prof. Patrick Muoboghare; Chiedu Ebie, Esq. and Chief Itiako Ikpokpo nai sign am for the meeting.
The statement say na afta dem don look the mata for weeks nai dem take put Omo-Agege as the pesin wey dem want.