One man, Mr Isaac Ekeh, don pour hot water hin wife, Stella Ekeh, bodi as she dey slip for night.
News Agency of Nigeria say the hot water pouring happen for May 31, around 3:00 for morning for Satellite Town, Alakija, inside Amuwo-Odofin Area for Lagos State.
Mrs Ekeh, work na skool work while her husband Isaac don retire. wey she dey folow NAN dey tok for tellyphone on Monday, she say afta dem chop finish nai the tin take happen.
“Me, my husband and awa children chop finish that night before we go slip.
“Around 3 for morning nai Isaac wake up boil hot water, turn am for my bodi wey I still dey slip naso my bodi burn like chicken wey dem pour hot water for e bodi.
“As I start to shout nai my children run come my room see say my bodi don already start to dey peel.
“Na from there my children rush me go National Orthopaedic Hospital for Igbobi, where dem take dey treat me.
“Wetin shock me be say, we nor quarrel, we nor fight or even tok wetin go bring wahala before hin dey burn my skin like this so.”
The woman wey get four children say, as she dey tok so, her husband don travel go hin village for Owerri, after hin don pour hot water finish for her bodi.