Hushpuppi: Police commission dey wait for wetin FDC’s go talk ontop Kyari

As e be so, Abba Kyari wey bin the Commander Intelligence Response Team, and Deputy Commissioner of Police, mata still dey hang.

Na wetin FDC’s talk nai go know weda Kyari go still dey Nigeria police.

News pipo talk last month say IG of Police, Usman Baba, don report the $1.1m wayo case wey Hushpuppi and four other pipo give am, to Attorney-General of the Federation and Minister of Justice, Abubakar Malami, and PSC.

FBI agent, Andrew Innocenti, get for paper wey dem call ‘criminal complain for telephone or other electronic way’ wey the US court for California, say Hushpuppi call Kyari to arrest one Chibuzo Vincent, because he dey plan to open up the $1.1m wayo wey dem do against one Qatari businessman.

The agency say Hushpuppi pay $20,600 put for Kyari hakant. Na so court hold Kyari for 10days.

Hushpuppi don gree say hin tiff moni and na 20years he go dey for prison.

Dem go put date wey Hushpuppi go change hin mouth from say I nor do am to I do am, afta then the judge go know how many years he go dey for prison.

Dem don suspended Kyari since July 31 from police because hin put hand for wayo oil wey come stain him white shirt.

On Wednesday wey dem dey give update for the case, senior oga say Kyari don hansa query wey FDC give am, and the committee go respond base on he hansa and wetin SIP report talk.

Source talk say, “The case still dey with Force Disciplinary Committee wey dey handle senior oga wey match line.

“The FDC go bring their own talk wey PDC go look to decide.

“As e be so, Kyari mata dey one kind, weda e go still be police dey for police service commission hand.”

The Force Public Relations Officer, Frank Mba, no hnasa to give update for the mata, as he nor pick call or hansa message to hin line.

Add a Comment

Your email address will not be published. Required fields are marked *