I Get Resin Wey Make Me Wan Be Delta Govinor For 2023 — Goodnews Agbi



One foma chieftain for APC, Dr Goodnews Agbi don join the govinorship race for 2023 inside Delta State under New Nigeria Peoples Party, NNPP.

Agbi na from Oyede, for Isoko Local Goviment Area of Delta state and he don use hand nack chest say with the new NNPP, dem ready to fight PDP and APC to make sure say that cycle of na either APC or PDP go break for the state.

The man na lecturer for Delta State University and he dey teach for Department of Engineering, he say Delta neva use eye see any beta progress since Ibori inside cacus men dey rule the state.

Dr Agbi don dey politics for the state since 1998, he come outside for govinorship position under Grassroots Democratic Party, GDM, but na Chief James Ibori nai come win as govinor.  For 2007 he come folow contest for PDP primary but na Emmanuel Uduaghan nai come win.

Agbi bin dey as one of the pillars deputy chairmo of National Youths Mobilization of PDP for 1998/1999, just like hin be National Election Committee member of PDP wey do PDP primaries for Abia wey come put Orji Uzor Kalu as govinor for 1998/ 1999. But he come dump PDP put for dustbin for 2014 go join APC.

For interview nai Agbi take dey tok about all the tins wey hin don do for Delta State, how dem take bring Anthony Alabi, hin second complainer for the criminal case of foma Govinor James Onanefe Ibori and oda pipo.

He say the resin why he wan be govinor for the state na to stop the way tins just dey go yangayanga for the state and moni dey pass under bridge wey pipo know dey see since 1999 and nor major project dey for Warri or for Asaba.



Share On:

Add a Comment

Your email address will not be published. Required fields are marked *