I nor dey go anywhere untill I finish – Pinnick

NFA Presido, Amaju Pinnick say hin nor dey go anywhere, so all those pipo wey dey say make hin resign cus Super Eagles nor fit get ticket to go 2022 World Cup, na their own dem dey yarn.

For the interview wey Arise TV do with Pinnick, hin say he gree, na dem mess up why Super Eagles nor fit get ticket to go World Cup for four times naw, but for where he nor dey go any where.

“Some pipo dey say, abeg just komot from the position. Me na sodja and I go stand gidgba till my time finish.”

“Say I gree nor mean say I do am, na just to show say pesin nor be small piken and nor wan dey karey the blame put for anoda pesin head. E be one kind wey you know say you nor do anytin and still nor dey fit slip.

“We try awa best, but what to do, we don learn sha. Nai make we get move.”

Pinnick still say nor be the federation nai cause why Eagles nor fit win the match, hin say dem give the whole team every tin wey dem nid to make sure say dem get the ticket for Qatar 2022 World Cup.

Share On:

Add a Comment

Your email address will not be published. Required fields are marked *