I nor get long throat, just give me only 59% from Adamawa -Wike

Rivers govinor, Nyesom Wike, say make PDP for Adamawa give am only 59% of dem vote during the party primaries.

Na wey hin go meet the leaders for the party for govimet house inside Yola on Thursday nai Wike take dey tell dem so.

Know say Adamawa nai Atiku Abubakar, come from and hin sef dey fight to be president. But Wike say na only 50% of the pipo vote hin nid for Adamawa cus e nor go good say where pesin come from make he nor win for there.

Wike say hin don dey PDP since 1998 and even wey APC komot powa for PDP hand for 2015, hin dey make sure say the party stand togeda.

“I nor karey anytin for mind. Wetin we want na to komot APC and na me be the last chance.”

“Hungry nor know south or North o, just give me your 50% vote and give your father 50% cus e nor go gud say where hin come from e nor win there.”

The chairman for Adamawa State PDP, Tahir Shehu, say Wike really try wella to kip the party togeda with tok and moni and any pesin wey dey come suppose dey tik of how e go use save the kontri.

Share On:

Add a Comment

Your email address will not be published. Required fields are marked *