I nor know say the husband dey kpos Osinachi-Pastor Paul Enenche

For video wey the senior pastor of Dunamis church where Osinachi wey don die and her family bin dey go, the pastor Paul Enenche don tok wetin hin know for the mata.

Hin say na like two to three months naw nai Osinachi and her husband come meet am make hin pray cus chest dey pain the wife, hin pray and still tell dem to go hospital.

He con say na afta she die nai he take know say Peter Nwachukwu dey gbas gbos the wife.

Pastor Paul say wey hin come ask Osinachi first piken, her twin sista and even church members wey know about the beating, dem tell am say Osinachi go always kneel down dey beg make dem nor let church know, but to pray for the husband say hin go change.

The pastor say him music director for hin church come still tell am say, Osinachi husband even slap her one time for inside studio wey she come record song, all this one na afta she don already die.

Enenche come say dem know say dem church nor like make pesin dey suffa head for marriage.

And make pipo nor resin am like say why the Peter still dey come their church afta hin na wife beater. Nai he pray for pipo wey dey karey their pepper eye put for the church bodi make God epp dem.

Share On:

Add a Comment

Your email address will not be published. Required fields are marked *