The foma DCP of police, wey dey for Intelligence Response Team, Abba Kyari, say hin nor go chop prison food afta dem lock am on Monday.
Kyari say na only hin wife food or any pesin from hin family nai fit give am food wey hin go chop.
As Kyari don dey for the prison, tori pesin hear say many of the Kuje prison pipo dey happy as court lock am for prison cus some of dem Kyari don judge dem mata wey hin be IRT oga.
One officer say dem get am for mind say hin fit nor chop the food wey dem give am for prison. So wey hin say na only hin wife or family member food hin wan chop, dem nor surprise.
Tokpesin of NCOs, Francis Enobore, say e nor bad if Kyari say na hin family pipo go bring food for am, cus any prison pesin wey dem still dey judge hin case go fit talk say make hin family pipo dey bring food for dem.