ICPC Don See N300bn Wey Ministries Add For Budget


The Independent Corrupt Practices and Other Related Offences Commission (ICPC) say Ministries, Departments and Agencies (MDAs) add moni wey reach N300 billion put for 2021 budget.

The additional moni wey dem add put for projects come karey the budget reach N13.59 trillion.

ICPC say even 2022 budget dem add moni of N100 billion join the projects, wey come karey this year budget go N17.12 trillion.

This one nor join the N49.9 billion wey dem get to know say dem dey use pay ghost workers salaries from January to June this year 2022.

Na ICPC Chairman, Prof. Bolaji Owasanoye, nai blow the breeze for Abuja on Thursday as hin dey tok with Senate Committee ontop Finance for the 2022-2025 Medium Term Expenditure Framework and Fiscal Strategy Paper.

He say ICPC get to know about the double moni for the budget for two years wey dem go check different projects for MDAs

Na still same pattern nai dem take save the kontri make dem nor use N49.9 billion take pay ghost workers wey MDAs force put for payroll from January and June this year

ICPC chairman come still advise the committees for National Assembly make dem open eye look the 2023 budget wey be N19.76 trillion weda dem add any moni put.


Share On:

Add a Comment

Your email address will not be published. Required fields are marked *