If e dey pain you, go sing your own- Timi Dakolo

Pipo don dey yab Timi Dakolo as hin go sing for Atiku Abubakar party where he take talk say he wan be presido for the kontri.

The mata play for Abuja on Wednesday March 23, 2022, wey foma vice presido Atiku Abubakar invite Timi Dakolo make hin come sing ‘Great Nation’ as Atiku dey talk him mind say he wan run for 2023 president position.

Naso the mata cause plenty talk for pipo mouth. For Timi side hin sef, nor gree as e give dem back for Instagram.

One pesin wey dey ansa @olaolu_thaniel for Instagram tell am say “Una don start to dey sing for politicians o @timidakolo don dey for Abuja dey sing for Atiku. Make una know say na @timidakolo nai karey Atiku and PDP for head.

Timi sef no quite, hin come give ansa, “I go dey sing and collect wack my guy, if e too pain you, abeg guy go sing your own song.”

Share On:

Add a Comment

Your email address will not be published. Required fields are marked *