If you don take full vaccine, no nid for Covid test- FG

FG say pipo wey don take the full dose of Covid vaccine and dem wan travel enta Nigeria from April 4, dem no go nid to do Covid test again.

Na for Abuja nai Boss Mustapha, take talk so yesterday for national committee meeting wey dem do.

Hin talk say pipo wey don take the full vaccine na to just do free test wey NCDC go do for airport as dem enta the kontri, as na to folow the international way nai FG dey do.

And na same tin for pipo wey don take the full vaccine, na so dem go use folow pipo wey dey from 10 to 18 years.

Mustapha con still say international pipo wey neva take vaccine or don take but neva complete the dose go still do the normal 48hours Covid test before dem enta plane come Nigeria.

As Mustapha dey yarn, hin say e go so good if Nigeria pipo wey wan travel go take Covid vaccine and folow wetin the kontri wey dem wan travel go talk about Covid.

Share On:

Add a Comment

Your email address will not be published. Required fields are marked *