Igbo Youths Dey Parasid For Uzodinma, Give Am 7 Days  to resign

 

 

 

Coalition of South East Youth Leaders, COSEYL, dey vex seriously as 14 pipo die for traditional marriage wey dem go do for Awo–Ommama inside Oru East Local Government area for Imo state.

Na on Sunday nai every where cast for east as Ebubeagu kill some young guys wey dey come back from marriage.

Wetin the president of COSEYL, Goodluck Ibem, tok he say dem kill the groom and 9 pipo wey follow am go do hin traditional marriage, while the other 5 pipo wey die, na Awo-Ommamma community for the same Oru East nai dem come from.

The statement say 32 pipo wey get serious wound dey for hospital.

The coalition say Ebubeagu and Govinor Hope Uzodinma dey work togeda to kill all the young pipo wey no like am and go wan stop am for 2023 re-election.

Dem say democracy don die for Imo State and the yeye killing for the state must stop.

“We dey call Inspector General of Police, Usman Baba to just go arrest and punish Ebubeagu wey do this kind wicked tin.

“We nor go gree for this 14 pipo wey just die like that, Govinor Hope Uzodinma must resign before 7 days finish.

“He must komot from office or by force Imo State House of Assembly go chase am if not the youths go enta road to protest make hin komot from the seat as govinor.

“Wetin dey happen today for Imo don pass democracy na wickedness of the highest order be this one.”

 

 

Share On:

Add a Comment

Your email address will not be published. Required fields are marked *