Ijaw youths and security pipo get am hot for Warri

Kasala tear between armi pipo, DSS, NSCDC, and police on Monday as some youth wey dey for Ogbe-Ijoh and security pipo get am hot cus of the campaign wey dem do for Sherrif Oborevwori

Youth for Ogbe-Ijoh under Ijaw Youth Council, don already dey parasid before, dem come do we nor go gree to tok dem mind for the way nor come my side, I nor go come your side mata dey go for the only road wey dey for Aladja/Ogbe-Ijoh road.

Early mormor like this around 7, the young pipo of Ijaw don karey bodi go the political campaign place where the Speaker for Delta state go come, to take tok dem mind for the problem wey dey with Ogbe-Ijoh and Aladja.

Na so security pipo plus politician thug block dem make the youth nor fit tok to the speaker wey come visit the area.

One pesin wey dey close to one of the security pipo say, dem block the Ijaw we nor go gree pipo cus dem fit embarrass the speaker.

While one security pesin tok say the resin why dem catch the we nor go gree youth, na cus say e nor go good well say the first pesin wey wan be govinor come to see pipo for area and dem do am anyhow.

But Tokpesin of the Ijaw Youth say dem dey say dem nor go gree cus of the way this present administration dey do dem for seven naw.

Share On:

Add a Comment

Your email address will not be published. Required fields are marked *