The member wen dey represent Ethiope Federal Constituency, Hon. Ben Roland Igbakpa, don appreciate Governor Ifeanyi Okowa and RT. Hon Sheriff Oborevwori for d way wen dem take make am part of the 88-member inauguration Committee.
Ben Igbakpa wen yarn dis one for one interview wen he get with Kpoko FM for Asaba the state capital, come talk say with the swearing-in of Hon. Sheriff Oborevwori as governor come May 29th, he say ogbonge infrastructural development go dey for the state.
Wen RT. Hon Ben Igbakpa come dey yarn more on the major work of the 88-member committee, he come talk say every department and ministry go finish work for the incoming administration.
Then on top the gist wen dey play say RT. Hon Sheriff Oborevwori no go dey in charge of State affairs and say he go continue to dey depend on the outgoing Governor, Dr. Ifeanyi Okowa, Ben Igbakpa come talk say na people wen wan cause confusion nia dey behind d gist say dem no dey happy wit the win wen Oborevwori win as governor of the state.