David Adeleke aka Davido, for Twitter dey greet him uncle again, Senator Ademola Adeleke, as INEC don give am certificate of return afta the election for osun state.
Na today for Osun State nai Independent National Electoral Commission, INEC, give certificate of return to the govinor wey dem just vote now for osun state, Senator Ademola Adeleke.
The governorship candidate of PDP, Senator Adeleke, win the election of Osun State, on Saturday, 16th of July, 2022.
Adeleke use 402, 979 votes take win Govinor Gboyega Oyetola of All Progressives Congress, APC, wey get 375,077 votes.
As Davido dey celebrate him uncle, Ademola victory, Davido write say the Adeleke put dem family name for road, and himself put e music for road too, but he say las las na God wey dem believe nai epp dem.