iPhone Don make Boy Kill Girlfriend

 

 

One boy Godspower Adigheti, 23 years from Ozoro, Oramudu quarters inside Isoko North LGA don go use cutlass take finish him 22 yrs girlfriend life cus she break hin iPhone 11 PRO MAX phone.

Tori be say the boy and him girlfriend wey be Gift Oloku, get small argument wey come lead to fight.

One insider say the girlfriend komot as she come back nai the boyfriend dey ask her where she dey come from.

“As dem dey fight naso the girl take break the screen of the iphone 11 ProMax, as the boy see say the phone don break nai he carry cutlass follow the girl.”

The insider say the boy and the girl bin dey stay togeda and dem don born one girl piken.

State Police Public Relations Officer, Mr Bright Edafe, confimate the mata say the 23 years Godspower Adigheti use cutlass take finish 22  years Gift Oloku.

Before dem karey the girl reach hospital she don already die. The boy dey for Police hand and dem dey investigate the case.

 

 

Share On:

Add a Comment

Your email address will not be published. Required fields are marked *