E never too tay wey some men carry gun enta the caban of the chiarmo wey dey collect moni for goods as e dey land for Lagos water base on Goviment parol, come put fire for the place, Mr Joe Igbokwe, don say na IPOB nai do wetin happen.
No be only that one dem burn sef, The men wey carry gun still burn the office of DSS and FRSC for Nnewi, inside Anambra State.
Tori say dem come from Owerri Road with four SUV, come stop for Emecourt Road Junction, from there dem start to dey spray bullet, na so pipo shele for their life before dem go the DSS and FRSC office go burn am.
As e be so, two pipo don kpai.
From Facebook nai Igbokwe take talk say IPOB don go him house.
“He say hin sure say dem don burn him house, base on the jerry can of fuel wey dem dey remove from their motor wey get CCTV. But he dey thank God because say he nor die for the matta.”