IPOB nai be the witch of my life- Abba Kyari

Na IPOB and ESN nai dey put my name for front so, dem nor want beta for me as I don bin show dem pepper for South East, na wetin Abba Kyari, Deputy Commissioner of Police talk.

Na wey dem karey Kyari go meet panel wey go panel beat hin mata wella, wey the Deputy Inspector General of Police, Joseph Egbunike lead for the Headkwata of police for Abuja.

For wetin Kyari talk for the paper wey IG of Police, Usman Baba give police service commission na for there nai Kayari take say na cus of how hin take mansaka IPOB for East nai make dem dey face am so.

Afta the panel come karey two eye look the mata kekereke, nai dem say Kyari really match line and fall hin hand so dem go push am from the upstair wey hin dey as Deputy commissioner of Police to Assistant Commissioner of Police.

This one na afta Kyari don gree say hin trutru match line for wetin Police talk about social media rules.

Share On:

Add a Comment

Your email address will not be published. Required fields are marked *