25 years lady Joy Ashionye Ugboh wey rep Kwale don beat 33 other pesin from the finalists to come out as the winner for the 5th Deltan Queen 2022, and she go rep Nigeria for 2023 Miss United Continent Pageant for Ecuador.
Joy Ashionye come from Ulogwe-Isumpe for Ndowka West Local govimet inside Delta state.
She don graduate as science laboratory technologist from Delta state polytechnic Ozoro and dey learn how to be teacher for Delta State University for Abraka.
For the pageant show, other pipo like Otobo Henrietta, Dafetta Obruche, and Odinde Nathalie come win 2022 Delta Queen Ambassador.
The CEO, Miss Iviero Jane Okiemute say the aim of the pageant na to pick who be the best and na Delta State Ministry of Culture and Tourism nai stamp am.
The Deltan Queen pageant na to celebrate the girl piken for the state and give who the crown go fit her head.
She say dem wey be the organizers dey pray say the winners go use dem position take do positive tin for the society.