Kidnapper Tiff Traditional Head for  Ondo State

 

 

Kidnapper don tiff one of the traditional head of Iku kwata, High Chief Mukaila Bello, wey be the Oniku of Iku kawatas for Ikare Akoko, the headkwata of Akoko North-East Local Govimet for Ondo State, and three pipo from the town.

Tori get am say na on Thursday night for along Ago Panu wey dey Owo-Ikare express nai e take happen.

The pipo wey dem tiff join the traditional chief na Yeye Gbafinro, chief for the community, Adeniran Adeyemo one foma House of Assembly candidate for Akoko North-East constituency and APC chieftain, plus one Bashiru Adekile wey be the community leader.

For the community now, tension don dey rise.

The pipo bin dey travel from Akure go  Ikare-Akoko, wey the gunmen waylay dem for road.

The driver wey dey drive dem dey for hospital afta serious cutlass wey the kidnappers use take finish am.

The police for the state neva hear anytin and even the family of the pipo neva hear anytin from the kidnappers.

Share On:

Add a Comment

Your email address will not be published. Required fields are marked *