Kidnappers For Kaduna-Abuja Train Don Free Lawyer, Hassan Usman

 

 

From the pipo wey terrorist kidnap for Kaduna-Abuja train, Barrister Hassan Usman don fit komot from dem hand.

Na on Monday nai dem free Hassan afta the video wey hin take dey beg Nigerians, Fediral Govimet, and obodo oyibo pipo, so that dem fit come outside.

For the video no be small bularla nai the terrorist dey give victims with big sticks while the pipo dey cry.

Afta the flogging nai Hassan come say Nigerian govimet nor gree release dem.

For the video he beg US, UK, and France make dem come epp free dem.

One of the family member of Hassan tell Nigerian Sketch say na N100 million nai dem pay to take free Hassan.

“We don gada the moni before now, but na some military pipo nai stop us make we nor fit meet the bandits to take free awa broda before this time.”

Even though say some of the pipo wey dey inside the train don fit free afta dem pay moni give the terrorist, 43 of dem still remain plus the foma military govinor of Kano state, Idris Garba, hin wife, and children still dey with the terrorist.

 

Share On:

Add a Comment

Your email address will not be published. Required fields are marked *