Kuje Prison: Gumi Aide Say Terrorists Tell Am Before The Attack

 

Malam Tukur Mamu, the aide to Islamic Scholar, Sheikh Ahmad Gumi, say na the same terrorists group wey go attack the Abuja Kaduna train nai still go Kuje prison for Abuja on Tuesday night.

Mamu, dey epp follow tok with the terrorist so that dem go free the Abuja Kaduna train passengers, wey some of dem don fit come out alive.

He say the terrorist group tell am say dem go attack the prison and some other place.

Mamu, wey be the publisher of Desert Herald newspapers for Kaduna and Dan Iya of Fika Emirate of Yobe State, say afta hin hear the word nai he pass the message go give Nigeria security agencies but dem nor still do anytin.

Afta the attack for Kuje Prison, on Wednesday nai Mamu tok for Leadership paper say hin dey comot bodi from the negotiation wey hin dey do with the terrorist and FG cus he nor like the way govimet dey behave.

He come still say he life dey for danger and if anytin happen to am naw, make dem nor blame the terrorist but the corruption wey dey the system.

Share On:

Add a Comment

Your email address will not be published. Required fields are marked *