Lagos Airport Terminal neva still good

Anoda talk dey come outside for Murtala Muhammad International Airport for Lagos wey dem just open new Terminal some days back.

The wahala start from the yeye design wey dem draw for the airport from the first time, na that one bin scatter the original plan of the airport.

For 2013 nai Nigeria borrow moni from China and na one Chinese company, China Civil Engineering and Construction Corporation nai build the terminal.

Dem finish Abuja and Rivers state international airport terminal remain only Lagos own, cus the design wey dem put for the apron, the place where plane dey land, dey face anoda side.

Cus of that mistake nai make FG say make dem scatter Accident Investigation Bureau (AIB), and some building wey dey around the Lagos airport.

Even though say with the scatter of the building where the plane go still land nor wide reach to take big airoplane like Boeing 777s, 747s, A380s,  Dreamliner, and other big plane.

As mata be, sources say e go hard make international plane go dey land for anoda place.

But Acting General Manager, of Corporate Affairs of FAAN, Mrs. Faithful Hope-Ivbaze, for chat tell tori pipo say dem get plan to work on the mata cus if pesin build house e fit like to make am big leta.

Share On:

Add a Comment

Your email address will not be published. Required fields are marked *