Lawmakers say dem nor go gree as eight members don komot speaker

 

Katakata dey for Plateau state House of Assembly on Thursday as dem don komot the speaker Ayuba Abok. Na Abok first time to be lawmaker wey dey rep Jos East constituency.

KPOKO FM gada say na eight lawmakers out of the 24 member wey dey the Assembly nai komot the speaker on Thursday morning. Sharply nai dem put Yakubu Sanda of APC wey dey rep Pengana constituency.

Lawmaker wey dey rep Rukuba/Irigwe constituency Musa Agah nai tell PUNCH on Thursday for Jos say wetin the lawmakers do so na wetin dem dey call “height of illegality”

Agah come talk how dem take remove the speaker, “Na this morning (Thursday) nai some small member dem rush come the Plateau state House of Assembly around 6’oclock. On a normal for dem to komot the speaker na like 16 members suppose do am.

“But eight of dem nai rush like rush hour this early mormor even when time for meeting neva reach and the speaker sef no even dey for the meeting. When some of us hear, as we rush reach the Assembly complex we see say security pipo don block everywhere. Dem stop some of us make we nor enta while dem use of us dey play.

“While we still dey battle outside, the eight members say dem don talk say dem nor nid the speaker again, come remove am.”

 

Add a Comment

Your email address will not be published. Required fields are marked *