Lecturers wives wan travel go Turkey ontop ASUU strike

ASUU strike still dey on, but Vice Chancellors wives for public universities dey ready to travel go Istanbul for Turkey, for five days to go do conference.

With kona eye wey PUNCH take see the leta wey the Committee of Vice Chancellors of Nigerian Universities write, and na the committee chairmo, Yakubu Ochefu, nai sign am for May 5, 2022.

The programme suppose start from 18 to 23 July 2022, inside Istanbul.

Ochefu say one VC wife go pay N1.5m as course form to fit take go the programme.

The leta dem address am to vice Chancellor wives and call am ‘Invitation to the Istanbul 5-Day Leadership & Management Masterclass, Fellowship 2geda for wives of Vice Chancellors, Women wey dey for Academics and Higher Education Leadership’.

Small part of the leta be say “We know the important part of wife for Vice Chancellors dem life. Nai make e good to do wetin sef go epp the women for Academics as dem marry Vice Chancellor.

“So nai make the Committee Secretariat, gum bodi with Win Institute for Gender Studies, and Nigeria collabo with Turkey learning partner, Istanbul Egitimler, don put this 5-day Leadership & Management Masterclass, and Fellowship Induction for the wives of Vice Chancellors, women academics and higher education leadership for Africa.”

Share On:

Add a Comment

Your email address will not be published. Required fields are marked *