The Jama’atu Nasirl Islam (JNI) dey call Fediral Govimet and the ogas wey dey for Nigerian Army make dem quickly punish the pesins wey go kill Sheikh Muhammad Goni Aisami.
For statement wey the seke general write, Dr. Khalid Abubakar Aliyu, the JNI say nor be say dem go do the judgement but to make sure say dem follow wetin the judgement tok.
He say nor be to hide this kind way wey dem take kill the cleric cus dem know say the pipo plan am well before dem kill the man.
Hin say JNI get the message with shock for dem bodi as assassin go kill Sheikh Muhammad Goni Aisami and tiff hin motor, as the man just with hin good mind karey the assassin put for hin motor without say he nor know.
He say the tin surprise am well well a as the two pipo John Gabriel and Adamu Gideon just think am to tiff he motor.
But Muslim Ummah nor still tok say na christian wey wear military clothe nai go attack the man, he say if na christian pastor nai this kind thing happen to CAN and dem pipo for don dey shout ontop dem voice say Muslim terrorist don kill christian pastor and even media for don hawk the mata.
He the way dem take kill Sheikh Aisami e just show say crime don enta every where for the kontri even sef to security agencies.