Make Una Nor Ever Ban Twitter Again, ECOWAS To Buhari

 

 

ECOWAS Court don stamp am say wetin oga Presido Buhari and hin govimet do as dem ban Twitter nor good and make dem nor ever try that kind tin again.

This one happen for the case wey Socio-Economic Rights and Accountability Project (SERAP) and 176 Nigerians pipo wey the tin pinch dem bodi wella karey the mata to court.

You remember say na afta Twitter delete one of Buhari tweet nai Minister of Information and Culture, Lai Mohammed come out to say dem don ban Twitter for the knotri.

Govimet even say anybodi wey use am dem go punish and arrest am and even NBC tell all Tv and radio station make dem nor use Twitter again.

Na on Thursday nai ECOWAS court judge the case finish.

The court say that kind way wey FG take nor just make sense at all, cus na against pipo right be that.

The court come say make Buhari and hin govimet make wey to epp so that pipo go dey free with their freedom and make dem nor ban Twitter again.

 

Share On:

Add a Comment

Your email address will not be published. Required fields are marked *