Marriage na to enjoy nor be to endure – Banky W

Olubankole Wellington, wey dey sing music and hin stage name na Banky W, plus hin still get mind for politics, say nawadays marriage na just endure plenty pipo dey do instead of enjoy.

Na wey Ebuka Obiuchendu dey do interview for Black Box series with Banky and hin wife Adesua Etomi for radio nai hin take tok so.

Banky bin dey ansa kweshun how he take meet hin wife, Adesua, hin say he see the wife tay but that time he neva ready.

Hin say na cus pipo dey rush and neva ready for marriage nai make dem dey struggle to stay togeda.

“I really tink say God blind my eye untill I don dey normal so that I go see hin piken well. Untill that time God not make me see my wife.

“And if you nor ready, e nor mata how great you be, na mess you go just put yoursef.

“Nai make I dey see am today say marriage don turn to wetin pipo dey endure than say dem dey enjoy am.”

Banky W and Adesua marry for November 19, 2017, 2021 nai dem born their boy piken.

Banky bin contest for House of Rep to rep Lagos’ Eti-Osa Fediral Constituency for 2019 election but naw hin say he don komot from Modern Democratic Party go join Peoples Democratic Party.

Share On:

Add a Comment

Your email address will not be published. Required fields are marked *