Marriage Of Funke Akindele Don Scatter

 

 

Abdulrasheed Bello aka JJC Skills wey dey sing music, the husband of Nollywood actress and producer Funke Akindele-Bello say dem seven years marriage don scatter.

For wetin JJC Skillz write for hin Instagram post on Thursday, he say hin don komot from their house for three months naw.

Hin say “My dear Friends and family, I want tell una say me and Funke don separate. But the time wey we dey togeda tins sweet plus our beautiful ejima children.

“For two years naw tins nor too gud for us. I don try to make sure say I repair tins but e nor work, na tins don bad pass as e dey. Three months ago nai Funke say I must to komot from the house, I come komot, apart from AMVCA me and Funke neva sitdon tok anytin about awa relationship.

“I dey announce am naw so that every bodi go know say we nor dey togeda again. We still get mata wey we neva tok like awa piken dem, how we go take dey take care of dem and awa business, but I know say one way or the oda we go resolve am.”

JJC Skillz boy piken don bin dey shout for social media before say the couple dey get problem for dem marriage and nor dey even stay togeda.

For AMVCA award wey even happen, Funke and her husband come the event separately.

 

 

Share On:

Add a Comment

Your email address will not be published. Required fields are marked *