Na N10.5bn we go use do Ayakoromo N10.5bn bridge

The bridge wey dem use N6 billion dey do for Ayakoromo, Delta State Govimet don karey the moni go N10.5 billion.

This na wetin Mr Charles Aniagwu the Commissioner for Information tell tori pipo, afta dem do the first state Executive council meeting for 2022 finish, wey Govor Ifeanyi Okowa chair on Thursday.

Aniagwu say the resin wey make dem add moni to the bridge work wey dem start for 2013 na cus of the way tins be naw for the kontri. And dem wan complete the bridge before 15months go finish.

For the Power plant, IPP, wey dey for Oghara, Aniagwu say dem get some tins wey the light company go buy like turbine dem from govimet. Hin say govimet go bring am and the light company go pay moni for some time before dem go come get am.

He say the resin why dem dey wan bring the turbine and oda tins come na cus dem nor want make e be say dem go just sell am and pipo nor go come enjoy the light. So with this style of Independent power generating company e go make sense.

Share On:

Add a Comment

Your email address will not be published. Required fields are marked *