Na only e-Naira nai every bodi go dey soon use- CBN

CBN for dem waka wey dey do reach market women and men for Asaba, Dem say make pipo start to use e- Naira as very soon paper moni nor go dey again.

Na CBN Controller for Delta State Branch, Mr. Godwin Okafor, nai dey tell the market men and women for Ogbogonogo market on Friday wey dem go tok with the sellers.

Okafor tell dem say dem come meet dem cus CBN support e-Naira and e nor be like Bitcoin wey CBN nor give support hand.

While the Consultant of CBN ontop e-Naira, Dr. Aminu Bizi, say dem come Delta to tok to the market women cus afta Lagos na Delta be the next point.

“We come tell una say CBN don pass ATM and POS level na e-Naira be the Koko, even sef we go still go meet Okada and Keke union pipo.

“Paper moni go soon stop cus na moni CBN take dey print the moni and pipo nor dey even use the moni well, dem go dey spray am, dey yeye am for market, and even use am dey pay Keke and Okada pipo, all of this na CBN dey loose,” na wetin Bizi tok.

Share On:

Add a Comment

Your email address will not be published. Required fields are marked *