Na only tey e go tay, stamarra go call hin papa name. Naso e don be for one 38 years Ofure Siakpere wey be business man, dey rape hin wife sista piken wey be 14 years as court on Wednesday don tell am to spend the rest of hin life for prison.
The judge of the case Abiola Soladoye wey dey for Ikeja court say the tin wey the man do really bad as na to spoil the girl life be that. She come still dey tell pipo say make dem born piken wey dem fit take care of, nor be to dey karey am give aonda pesin.
With the mata wey dem put for Ofure Siakpere head, the judge use vex send am to life prison with no fine. And hin name go dey for pesin wey use sex punish anoda pesin as Lagos State Govimet put am.
With wetin Funke Adegoke the lawyer wey stand for the girl talk, na for March 2018 nai Ofure take rape the girl for dem house wey dey No. 10, Salaudeen Imam Street, Lagos, and hin dey 35yrs wey he rape the girl.
The girl say na 15 times nai Ofure rape her, wey she dey stay with am and her mama sista. She talk say anytime wey she nor gree, na beta beat nai her hanty husband dey sama her. Na from there she come take get belle.
Wey she come court, she don already born the piken. The hanty of the girl and Adebimpe Siakpere still dey court, while Mr Siakpere say na lie nai dem put for hin head.