NAFDAC: Shine eye, fake ponmor dey market

NAFDAC don seize 120 tons of fake ponmor wey dey bring enta different side for the knotri inside Lagos with plenti chemical wey full inside.

The Oga kpatakpata of NAFDAC, Prof. Mojisola Adeyeye, say dem don catch seven pipo wey dem hand dey for the fake ponmor and this ponmor so fit cause big wahala for pesin bodi.

The Oga of NAFDAC talk say dem don karey the ponmor go test for lab to know how e bad reach and she con still dey tell pipo make dem shine eye for the ponmor wey dem dey buy for market.

She say na afta pipo don dey complain say some pesin dey sell fake ponmor wey dem suppose use for factory but instead dey sell am give pipo to chop.

Share On:

Add a Comment

Your email address will not be published. Required fields are marked *