Area nor too clear for Emene one cona for Enugu, afta one Fulani boy wey dey carri Nama waka kill one Igbo boy on Saturday.
Persin wey see as e happen, say the Nama Man dey shout for Temple say why hin enta where e nama take dey chop, for inside Obinagu/ Onuogba Nike Community estate for Ogbuagu Crescent Emene.
He say before him open eye close, the aboki don drag knife put for Temple bodi, dey ask am weda the land wey the nama take dey chop, na him get am
“When the aboki Fulani see say the man don die, nai he tokiele.”
The persin wey see everi tin still say, pipo come go tell vigilantee pipo na so dem gbag the aboki, carry am give police.
When amebo people call the State Police Public Relations Oga, Daniel Ndukwe, he say “abeg I dey do sometin, I nor fit talk send message.”
But since then he neva still ansa.