Niger State: Bad Guys Thief Oga Seksek With Grandpikin After Wedding

 

Dem don thief Niger State Oga Seksek ontop Ministry of Transportation, Dr Ibrahim Garba Musa with him grand piken for Zungeru.

This one happen on Friday night after dem finish one issa wedding day for Zungeru, na so bad guys with gun come thief am.

One family member tell amebo pipo say, the bad guys break the gate enta inside the house wen the Oga Seksek dey relax after the party. The family don dey try to tell the State Goviment wetin dey play.

For the side of the Seksek to Niger State Goviment, Alhaji Ahmed Ibrahim Matane say he don hear the matta but never confirm am. But he say the State Goviment go try dem best so that the thief fit allow the Oga Seksek come out and make scratch nor touch am.

By the time wen this tori come out so, talkpersin for Niger Police, DSP Abiodun Wasiu never put mouth for the matter.

We go relate other informate wey concern this mater am as e dey drop…

 

Add a Comment

Your email address will not be published. Required fields are marked *