Nigeria vs Ghana: CAF dokitor die for MKO Abiola Stadium

Gbege shele for the match wey Nigeria and Ghana play yesterday for Moshood Abiola Stadium for Abuja as CAF doping dokitor, Dr. Joseph Kabungo fall for ground kpeme.

Dr Kabungo, wey be dokitor from Zambian die afta Ghana take ticket from Nigeria to take qualify for 2022 Qatar World Cup nai fans start to provocate jump enta field.

One reporter wey be British- Nigerian Osasu Obayiuwana say Kabungo wey be dokitor from Zambia die cus of the match wey dem match am as pipo dey run for Moshood Abiola National Stadium inside.

But anoda Ghana Sport tori pesin, Collins Atta Poku say na beat dem beat the dokitor and as pipo come dey try to run nai dem take match am die for ground.

While some say na heart attack kill the dokitor.

But as e be, NFA and CAF neva confimate the mata as dem neva talk to tori pipo about wetin kill the Zambia dokitor.

Share On:

Add a Comment

Your email address will not be published. Required fields are marked *