No Accreditation For Abia Polytechnic- NBTE



National Board for Technical Education, NBTE, nor gree give Abia State Polytechnic for Aba, accreditation cus of say dem neva pay workers dem salary.

And na next week the poly suppose start exam, nai kasala don bust everywhere.

Tori say the skool wan do quick academic board meeting of all the HODs tomorrow Wednesday instead of on Thursday wey dem dey normally dey do meeting before.

The resin why dem wan do the meeting neva clear but tok get am say e go be cus of the accreditation wey NBTE nor gree give the university.

Na for leta nai NBTE take write go give the skool.

Insider wey dey close to the skool management confirm say the skool really get the leta, and the state seg neva pay workers for over 30 months now.

This year na only half salary nai the workers get once since then nai odiodi for dem.

This one dey happen afta NUC nor gree give accreditation to Abia State University medical skool department.



Share On:

Add a Comment

Your email address will not be published. Required fields are marked *