No Dey Travel For Night Again- FRSC

 

Fediral Road Safety Corps wey be FRSC don carry agogo dey nack, make pipo nor dey travel for night again. Road nor good, wahala dey everi where.

Na the Commander for Kogi, Mr Solomon Agure, nai talk so on Monday for Lokoja.

Agure say make pipo nor dey speed, carry too much load, nor dey drive dey talk for phone, nor use moto wey don kaput, dey use sitbelt and heliment.

“Moto pipo abeg make una dey folow traffic so that bregede nor go dey for road”.

Agure say dem nor go resin any bodi wey mess up with traffic this period, as dem don dey ring am for Kogi.

He come still say, the comad dey redi to carry 800 of their pipo, 20 moto, and 4 ambulance and heavi moto wey go dey tow moto pipo wey nor hear word comot from road.

Plus dey go quick answer call if any bodi dey problem. Na so hin take yarn the matta.

 

Add a Comment

Your email address will not be published. Required fields are marked *