The Actors Guild of Nigeria say the kidnappers wey tiff the two actors Cynthia Okereke and Clemson Cornel (Agbogidi), on Saturday for Enugu don free dem.
For info wey Monalisa Coker, the Guild’s Director of Communications, share on Wednesday, Dem say the kidnappers free the pipo without any cut for dem bodi.
Mrs Chinda say the actors dem dey hospital so that dokitor go check dem as na five days nai dem stay for the kidnappers hand.
The National President of Actors Guild of Nigeria, Ejezie Rollas, with happyness say na God touch the kidnappers to free the actors.
The kidnappers bin ask for $100,000, while President of the Guild Ejezie Rollas, says dem nor fit bring that kind moni.
Mr Rollas say wey hin come tell the kidnappers say na only N1.2million nai dem don fit get, naso the kidnappers come dey laugh dem, but thank God say dem don free the actors.