Nollywood: Tiff wey kill Mary Ngozi for Delta don land for station

The pipo wey kill Mary Ngozi wey dey act film and still get POS for Asaba, police don catch two of dem.

Last year for Boji-Boji Owa wey dey for Ika North, nai bad guys wey dey always tiff pipo wey dey do POS work take kill Ngozi.

As mata come be, na for Feb 14, na DSP Bright Edafe the PRO of police for Delta state, say the DPO for Owa Oyibo, get call from one side for Efeizomor street, near Pekky Hotel for Owa Oyibo say dem catch some tiff and dem don even gbasgbos the tiff sef.

As police reach the place nai dem size one Onyeka Ifeanyi wey be 19yrs and Bright Micheal Kester 20yrs, if not the pipo wey dey paranoid for use beat finish their life.

Na afta dem don arrest dem come dey ask dem kweshun nai the tiff say dem gang wey dey tiff POS pipo, nai go tiff and kill Mary Ngozi for Deeper Life Road for December 7, last year.

One of dem Bright Michael Kester don already die for hospital from the beating wey the pipo wey first catch am land for hin bodi.

Share On:

Add a Comment

Your email address will not be published. Required fields are marked *