Meet the Presenters

Richard Gbajimi

Presenter

My name na Richard Gbajimi. I be Co-Host of "The Good Morning Inside This Morning Show" For Kpoko 100.5 Fm. Monday To Friday. From 7:00am go hit 10:00am. Ontop radio marras, pipo sabi me as The Iyase 1 of Kpoko FM, Onowu 1, The Honorable Minister Of Talking Affairs, Loyal Bros & The Adjerese 1 Of radio marras. Make e for nor loss, apart from radio, I be Motivational Speaker, MC, Comedian, Compere & Actor. And Baba God give me sweetilicious wifey with correct pikins. #Egwegwegwe!

Onome

Onome Blessing

Presenter

Onome Blessing aka nomzy come from Okpe local government area of Delta. She be music graduate of Delta University Abraka. Dem born her on the 21st of June. Onome like to dey happy everytime and make people wey dey around her happy too. She like to inspirae and ginger people make dem fit live the life wey baba God plan for dem. She get serious concern about people,life and radio. Make e beta for everybody naim she get hand put.She dey like read,teach and ginger people to meet people. For anotherside to o Onome dey run photography and fashion designing.

Brume Faith Eyavore

Presenter

Brume Faith Eyavore wen them dey also call BrubruDApiapia na award winning on air personality with Kpoko 100.5FM. Brubru come from Ughelli South for Delta State and na graduate of Mass.Communication. She start her radio career wella for 2015 with Crown 89.9FM where she's take be the host of Saturday Oyoyo program. For 2016 she come join Kpoko 100.5FM wen be Pidgin English radio station where she come take be co-host of The Good Morning Inside Dis Morning Show. Them no Brubru well for the way she take dey deliver wella with pidgin language and warri slangs, any time she dey on air dey present, read News for Pidgin or dey do advert. This beautiful talented presenter na also motivational speaker wen dey constantly give inspirational quote as she dey us pidgin language for her IG page. She like fashion well well and when she dey off air, she dey like focus on making cloths, she self loves reading and singing too. Oya listen to her live @Kpoko 100.5FM Monday -Friday 7-10am on The GoodMorningInsideDisMorningShow.

Mike Mike

Presenter

Michael Ekemin Effiong aka Mike Mike na ogbonge talkie talkie person wey warri langua dey flow freely him mouth. He study industrial physics from Enugu State University of Science and Technology. Though him don dey dream to work for radio for a longtime but he enter radio on January, 2016. Na him dey handle the soji things program and he sabi yarn matas for politics, countri matas, entertainment tori and students matas. One of he characters na to always dey ginger country pippo to stand for deir right.

Lady-T

Lady-T

Presenter

Theresa Onajite aka Lady-T na OAP,MC,Red Carpet host and hair stylist. She be graduate of mass communication from Auchi Polytechnic and a memmber of Nigeria Institute of Management [NIM]. She currently dey host the #Waffi Maras Show ontop Kpoko 100.5FM from 1pm to 4pm.

MC Flexy

MC Flexy

Presenter

Owhere Aghwere Felix, dem born am 1st march and he come from Ogunu community for Warri South L.G.A Delta State. MC Flexy(Son of Grace) nai be him stage name but area dey call am Aproko King becus he dey always dey talk truth weda he dey radio or outside radio. MC Flexy na OAP,gospel comedian,MC,actor,motivational speaker and entrepreneur. Follow MC Flexy,The Aproko King on radio from Monday to Friday 4pm-7pm(Wakalicious Waka Tinz)

Adia Mai

Presenter

Adia Mai the girl wen nor sabi lie wen truth na her watch word 100% come from Isoko South LGA for Delta State. Dem born am on March 11th. She school for Delta State University Abraka na mass communication she study. She be lively person wen nor dey like dull environment. She get positive vibe to shake everywhere at anytime. She like to advise to and encourage people. She love her job and dey passionate about am because of the opportunity to reach both old and young. Aside from radio matter, she be MC,tailor and motivator. She dey like to travel around different place and meet different people. She nor fit stand lies and person wey dey promise and fail. For this life she believe say e go better for everybody because life na turn by turn, wen e reach your turn you go shakara.

Eva Aboyewa

News Caster

Eva Aboyewa aka News Bulunga na confirm warri babe wen come from Ughelli North Local Government Area for Delta State. Eva na Christian and na on the 9th of June nai her mama born her. She go Delta State University Abraka where she for study biochemistry technology. She be married woman wen no like dull and fake people. She like to dey play scrabble and table tennis and she dey like to make people happy. She don deuy for radio since 2015 and she like wetin she dey do because e dey give her the opportunity to meet with people everyday. Aside radio, she na MC/red carpet host, caterer, actress, motivational speaker and she na lover of God. Her slogan na hold something and he watchword na better days ahead.Follow her for tinkili/ogbonge news monday-friday 8am-4pm

Jennifer Omoko

Presenter

Jennifer oghenekevwe omoko multiple award winning presenter aka finegirl fineface na the #TimeOut show presenter for kpoko 100.5fm wen dey run from Monday to Friday 10pm go stop for 1am. She na graduate of theatre arts for delta state university abraka,she na very funny and energetic person wen dey always be the life of anywhere wen she dey. She also be red carpet host,show promoter,social media influencer ,ambassador for pickmeup cab services and event manager l. She dey represent the plus size community wella and she get one passion to always enlighten and empower plus community nai make her dey organise one event yearly wen she tag plus size hangout with bigboldjenny.

Genza

Genza

Presenter

Oghenero Ezaza aka Genza na presenter for Kpoko100.5FM. Dem born am for warri on June 10th. Anytime he dey on air so body go dey kpakpa am. He be writer and he don publish one book of poems wey the title na Reflections. Na im be the coordinator of one writing association wey dem dey call Warri Literary Society.

Uzezi

Uzezi Uduefe

Presenter

Uzezi Uduefe known as the Teens Best Friend born March 9th na Teen Mentor, Public Speaker and OAP. She get passion to see teenagers live well so their future go better. She dey use her voice through radio take dey send the right message to the and also entertain them.

MC BJ

Presenter

Benjamin Ekezie Aka MC BJ ,D kempes Master From Imo State. Dem born me for June 17. I study computer Science for Delta State Polytechnic Oghara. I be comedian, actor and MC. I dey enjoy to make people laugh.I be the host of Weekend oyoyo and weekend family koko.

Richard Nwajei

Sports Presenter

My name na Richard nwajei. I study History and International relations for delta State University abraka. For untop kpoko 100.5, I dey run early morn morn sport(8:45am, mon-fri), waka sports( 6pm mon-fri) and weekend sports (6:30pm Saturday). I love dey follow up sport matters, I also love to the research on matters Wey concern politics, business music etc Apart from radio things Wey I love scatter, I be entrepreneur, film script writer, Data analyst and a poultry farmer / Agro processing expert.

Daniel Eneruvie

Presenter

My name na Daniel Eneruvie aka danni5ve(dannigrace) wen study Petroleum Enigineering from Petroleum Training Institute. Unto kpokolicious radio maras na me dey host SaturdayJolijoli every Saturday from 7am go jam 10am and The Sunday Evening Show every Sunday 6pm to touch 9pm wen still get inside Students Corner base educational maras. Unto other maras I be MC, Comedian, Red Carpet Host, Actor, Voiceover Artist, Graphic Designer, Video Editor, (i dey also do Montage for video advert), Brand Ambassador, Event Decorator/Planner.